Samkeppniseftirlitið hefur lokið umfjöllun um kaup Kaldalóns hf. á öllum fasteignum í eigu FÍ Fasteignafélags slhf. Niðurstaða eftirlitsins er að samruninn gefi ekki tilefni til frekari rannsóknar og var málinu því lokið á fyrsta fasa.
Málið varðar markað fyrir útleigu atvinnuhúsnæðis til ótengdra aðila. Í samrunaskrá kom fram að fasteignir FÍ Fasteignafélags samanstandi af tíu fasteignum á höfuðborgarsvæðinu, sem samanstendur m.a. af hótel-, skrifstofu-, verslunar- og þjónustuhúsnæði.
Við mat á samrunanum leit Samkeppniseftirlitið meðal annars til upplýsinga í samrunaskrá, fyrirliggjandi gagna og umsagna keppinauta. Engar athugasemdir bárust frá markaðsaðilum vegna samrunans.
Niðurstaða Samkeppniseftirlitsins er að ekki séu vísbendingar um að samruninn leiði til þess að markaðsráðandi staða verði til né styrkist eða að samkeppni raskist að öðru leyti með umtalsverðum hætti og því samþykktur.
Ákvörðun Samkeppniseftirlitsins má lesa í heild sinni hér.
"*" gefur til kynna skyldusvið
