Óskað eftir umsögnum um samruna TVG Zimsen / Eimskips og Cargo Express

Samkeppniseftirlitið hefur til meðferðar samruna TVG Zimsen / Eimskips og Cargo Express.

Cargo Express selur aðallega flutningsþjónustu með fraktflugi, en TVG Zimsen og Eimskip sinna margvíslegri þjónustu við farmflutninga, einkum sjóflutningum og flutningsmiðlun. Tilkynning vegna samrunans, þar sem fyrirtækin lýsa samrunanum og samkeppni frá sínu sjónarhorni, er aðgengileg hér.

Öllum hagaðilum er hér með veitt tækifæri til þess að senda umsögn um samrunann, svo sem um möguleg áhrif hans á samkeppni, aðstæður á flutningamörkuðum, og um önnur atriði sem umsagnaraðili kann að vilja koma á framfæri við Samkeppniseftirlitið vegna samrunans eða samkeppnisaðstæðna.

Umsagnir sendist með tölvupósti á gogn@samkeppni.is eða gegnum „Senda gögn“ efst á vef Samkeppniseftirlitsins. Fyrsta hluta rannsóknarinnar lýkur 12. júní nk. og því er þess óskað að umsagnir berist fyrir þann tíma.

Innihaldi umsagnir trúnaðarupplýsingar er mikilvægt að taka slíkt fram og senda einnig eintak þar sem trúnaðarupplýsingar hafa verið fjarlægðar.