Ársskýrsla Samkeppniseftirlitsins fyrir 2020 er komin út. Skýrslunni er ætlað að veita handhægan aðgang að því starfi sem fram fór á árinu en í henni er meðal annars farið yfir tölulegar upplýsingar, rannsóknir og verkefni á árinu, málsvarahlutverk Samkeppniseftirlitsins auk þess sem í henni má finna yfirlit yfir stjórnvaldssektir og margt fleira.
Hér má nálgast ársskýrslu Samkeppniseftirlitsins 2020.
Í skýrslunni er fjöldi hlekkja sem gefa lesanda tækifæri til að kafa dýpra í vissa þætti en þetta er í fyrsta skipti frá árinu 2012 sem Samkeppniseftirlitið gefur út árskýrslu. Með breytingum á samkeppnislögum sem samþykktar voru um mitt ár 2020 var lögð sú skylda á Samkeppniseftirlitið að gefa út ársskýrslu um starfsemi sína.
Síðustu ár hefur Samkeppniseftirlitið lagt áherslu á útgáfu ýmissa skýrslna um samkeppnismál auk þess að rækta málsvarahlutverk sitt meðal annars með fundahaldi, ráðstefnum og miðlun upplýsinga um starfsemina á heimasíðu eftirlitsins.
Ársskýrsla Samkeppniseftirlitsins 2020:
"*" gefur til kynna skyldusvið
