8. september 2006
Samkeppniseftirlitið opnaði í dag enska útgáfu af heimasíðu sinni www.samkeppni.is/en. Með rekstri öflugrar heimasíðu á ensku vill Samkeppniseftirlitið leggja sitt af mörkum til þess að efla þekkingu erlendra aðila á samkeppnismálum hér á landi.
Heimasíðu Samkeppniseftirlitsins er ætlað að vera öflug upplýsingaveita um samkeppnismál. Þar má finna ítarlega umfjöllun um eftirfarandi:
- Upplýsingar um skipulag, málshraða, málsmeðferð, lög og reglur um samkeppnismál og erlent samstarf.
- Leiðbeiningar um það hvernig erindi til Samkeppniseftirlitsins þurfi að vera úr garði gerð o.fl.
- Ábendingar um samkeppnislagabrot. Boðið er upp á að senda Samkeppniseftirlitinu nafnlausar ábendingar um samkeppnislagabrot í gegnum heimasíðuna.
- Ákvarðanir Samkeppniseftirlitsins. Með samandregnum yfirlitum yfir einstakar ákvarðanir og leitarvél er leitast við að gera ákvarðanir samkeppnisyfirvalda aðgengilegar.
- Fréttir. Leitast verður við að hafa helstu innlendar fréttir um samkeppnismál og helstu fréttir um samkeppnismál í nágrannalöndunum aðgengilegar á heimasíðunni.
- Tenglar. Á heimasíðunni má nálgast öflugt tenglanet um samkeppnismál.
Hin enska útgáfa heimasíðunnar hefur að geyma upplýsingar um allt framangreint. Ákvarðanir eftirlitsins verða þó ekki þýddar, en yfirlit yfir ákvarðanir, meginniðurstöður, og í einstökum tilvikum úrdráttur máls verður aðgengilegur á ensku.
Umsjónarmaður heimasíðunnar er Hilmar Þórðarson, hilmar@samkeppni.is.
