Yfirtöku Kaupþings banka hf. á Arion banka hf. sett skilyrði

Samkeppniseftirlitið taldi að samkeppnislegt sjálfstæði Arion banka kynni að vera skert með samrunanum ekki hvað síst í ljósi þess að sú staða gæti komið upp að sömu kröfuhafar yrðu áberandi beggja megin, þ.e. hjá Kaupþingi annars vegar og Glitni hins vegar. Kæmi sú staða upp gæti hún raskað samkeppni. Voru samrunanum sett skilyrði í framhaldi af viðræðum við aðila málsins, í því skyni að tryggja samkeppnislegt sjálfstæði Arion banka. Felst í skilyrðunum að Kaupþing skuldbindur sig til þess að tryggja samkeppnislegt sjálfstæði Arion banka m.a. með því að tryggja að í stjórn Arion banka sitji einstaklingar sem eru óháðir öðrum viðskiptabönkum og sparisjóðum sem starfa á sama markaði.

Sjá nánar ákvörðun nr. 49/2009.