Samkeppniseftirlitið boðar til opins umræðufundar mánudaginn
30. nóvember nk. um drög eftirlitsins að leiðbeiningum um beitingu 15. gr.
samkeppnislaga, en drögin hafa verið birt til umsagnar á heimasíðu Samkeppniseftirlitsins.
Leiðbeiningunum er ætlað að nýtast fyrirtækjum við mat á
því hvort samstarf þeirra á milli uppfylli skilyrði 15. gr. laganna, en frá og
með næstu áramótum mun ábyrgð á þessu mati hvíla alfarið á þeim fyrirtækjum sem
hyggja á samstarf.
Öllum áhugasömum hefur verið boðið að koma á framfæri
sjónarmiðum og ábendingum um leiðbeiningarnar en frestur til þess rennur út
þann 27. nóvember nk.
Fundurinn verður haldinn í gegnum fjarfundabúnað og fer fram
mánudaginn 30. nóvember nk. kl. 14:00. Áhugasömum gefst þar tækifæri til
þess að taka þátt í umræðum um fyrirliggjandi drög að leiðbeiningum og taka
þannig þátt í frekari mótun þeirra, fylgja eftir ábendingum sínum eða koma að frekari
sjónarmiðum.
Þátttakendur
eru vinsamlegast beðnir um að skrá sig á fundinn með því að senda tölvupóst á samkeppni@samkeppni.is fyrir kl. 11:00
þann 30. nóvember nk. Hlekkur á fjarfundinn verður sendur öllum skráðum
þátttakendum.
"*" gefur til kynna skyldusvið
