Samruni Fastus ehf. og HealthCo ehf.

• Sækja skjal
• Málsnúmer: 18/2019
• Dagsetning: 23/5/2019
• Fyrirtæki:
  • Fastus ehf.
  • HealthCo ehf.
• Atvinnuvegir:
  • Neysluvörur, rekstrarvörur o.fl.
  • Lyf, stoðtæki (t.d. gleraugu) og tengdar vörur
• Málefni:
  • Samrunamál
• Reifun

  Samkeppniseftirlitið hefur haft til umfjöllunar kaup Fastus ehf. (Fastus) á öllum eignarhlutum í HealthCo ehf. (HealthCo). Samruninn var tilkynntur með svokallaðri lengri samrunaskrá þann 28. febrúar 2019. Fastus er þjónustufyrirtæki sem stofnað var árið 2006 og sér fyrirtækjum og stofnunum á heilbrigðissviði, og í rekstri tengdum matvælum og iðnaði, fyrir tækjum, búnaði og rekstrarvörum. HealthCo er þjónustufyrirtæki, stofnað 2008 sem hefur sérhæft sig í sölu á vörum og þjónustu tengdum þeim á heilbrigðissviði. Félagið er umboðsaðili fyrir leiðandi framleiðendur lækningatækja. Þann 28. febrúar 2019 tilkynnti Samkeppniseftirlitið samrunaaðilum að stofnunin teldi ástæðu til frekari rannsóknar á samkeppnislegum áhrifum samrunans, sbr. 1. mgr. 17. gr. d. samkeppnislaga nr. 44/2005, með síðari breytingum. Eftir rannsókn á samrunanum var það niðurstaða Samkeppniseftirlitsins að ekki væru fyrir hendi forsendur til að aðhafast frekar vegna samrunans á grundvelli 17. gr. samkeppnislaga.