Með frétt þann
28. febrúar sl. veitti Samkeppniseftirlitið hverjum þeim sem hagsmuni eða áhuga
hefði færi á því að koma á framfæri umsögnum, athugasemdum og/eða sjónarmiðum
vegna kaupa Síldarvinnslunnar á helmingshlut í Ice Fresh Seafood af Samherja.
Samkeppniseftirlitið
hefur tilkynnt samrunaaðilum að nauðsynlegt sé að virkja frekari fresti til
rannsóknar málsins og athugunar á samkeppnislegum áhrifum samrunans.
Síldarvinnslan og Samherji eru bæði starfandi á sömu mörkuðum sem sameinast um
eitt svið í starfsemi sinni eða eitt sölustig í virðiskeðju sjávarafurða með
samrunanum. Þá hafi samruninn möguleg lóðrétt áhrif vegna aðgengis
annarra fiskvinnsla að hráefni annars vegar og annarra útgerðarfyrirtækja eða
mögulegra keppinauta að aflahlutdeildum hins vegar þar sem aðgangshindranir
virðast til staðar. Þá hefur athugun á eignar- og stjórnunarlegum tengslum
fyrirtækjanna og hvort breytingar á yfirráðum séu víðfeðmari en samrunaskrá
gefur til kynna, áhrif á umfang mögulegra samkeppnislegra áhrifa samrunans á
viðkomandi mörkuðum. Loks hefur aðeins hluti þeirra fyrirtækja, aðila og félaga
sem Samkeppniseftirlitið óskaði umsagnar og upplýsinga frá, svarað beiðni
eftirlitsins, og hyggst stofnunin framlengja frest þeirra til upplýsingagjafar.
Samkeppniseftirlitið
hefur einnig ákveðið að framlengja almennt umsagnarferli til 9. apríl nk.
Umsagnir skulu berast á gogn@samkeppni.is
"*" gefur til kynna skyldusvið
